Remesa a nivèu per la còla e e formacion tecnica

Per melhorar nòstrei produccions e faire lo punt sus lei coneissenças de cadun, Tè Vé Òc organizèt una 1èra session de formacion lo 15 de novembre de 2018. Permetèt una remesa a nivèu per la còla activa e l'aprendissatge tecnica per d'autrei sòcis. Ambé d'escambis e de demostracions, lei realizators (confiermats ò potenciaus) de nivèu divèrs posquèron trobar responsa a sei questions, per lei metre en practica après.

Se siatz interessats per aquela session de formacion totei nivèus (amb adesion à Tè Vé Òc), podètz contactar Lisa Gròs :  te.ve.oc30@gmail.com

La session que ven se farà en Mai de 2019 au sèti de l'associacion.

ESTAGIARIA en formacion au CFPO

Dins l'encastre de sa formacion de formatritz au CFPO, Cecília GUIRAO faguèt un estagi en cò de Tè Vé Òc en novembre de 2018. Torn a torn, de sòcis de la còla li mostrèron sei metòdes de trabalh e leis enjòcs de la producion audiovisuala e dau jornalisme en occitan. Participèt, entre autrei activitats dins son emplec de temps, a la preparacion d'una emission consacrada a un contaire e vinhairon provençau.

Vautrei tanben podètz faire un estagi en cò de Tè Vé Òc :

Per mai d'entresenhas : te.ve.oc30@gmail.com

ESTAGIS comandat per lo CFPO

Dins un estagi prepausat per lo Centre de Formacion Professionala Occitan (CFPO) Lengadòc,

avèm format d'estagiaris au rodatge e au montatge vidèo.

Primièra session en Tarn, sus la Montanha Negra (2016) e segonda session a Fònt de Vauclusa (2017). 

Possibilitats d'estagis individuaus ò collectius. 

Contactatz Lisa Gròs, per mai d'entresenhas : te.ve.oc30@gmail.com

ESTAGIS amb un collegian

"Lo jardin de la Fònt" es un cort-metratge de 8 min realizat per lo collegian Darius Turc, dins l'encastre de son estagi de 3e dins la còla de Tè Vé Òc, en novembre de 2016. Aqueleis imatges son estats rodats per Darius Turc e Amada Cròs dins lo pargue sonat "Jardin de la Fontaine", a Nimes.  Lo montatge fuguèt realizat au sèti de Tè Vé Òc per Darius Turc, Lisa Gròs e Amada Cròs.  Aqueu projècte fuguèt presentat au Festenau de vidèo "Rescontre" lo 4 febrièr de 2017. De notar : leis musicas son liuras de drechs e fan partida de la lista musicala de Tè Vé Òc. Son pas exclusivas an' aquela vidèo.